Umutoza w’ikipe ya Chelsea, Enzo Maresca uri kuyitoza mu mwaka we wa mbere , yagarutse ku mukinnyi we Moises Caisedo avuga ko ari umukinnyi ukomeye.
Enzo Maresca ari gutoza ikipe ya Chelsea nyuma yo gufasha Leicester city kugaruka muri Premier League aho mbere yaho gato yari muri Manchester City yungirije Pep Guardiola nyuma y’igenda rya Michael Arteta . Uyu mutoza Kandi ni nawe wazamuye Cole Palmer muri Manchester City nkuru amukuye mu ikipe y’abato yayo.
Enzo Maresca agaruka ku mukinnyi we Moises Caisedo ukina mu kibuga hagati afasha mu kugarira yavuze ko ari umukinnyi ukomeye gusa agifite n’ibindi byo kunoza.
Ati” ni umukinnyi ukomeye, ni umukinnyi mwiza cyane ariko nk’abandi bakinnyi bakomeye hari ibintu agomba kunoza. Arimo gukina bidasanzwe Kandi umwanya munini kuko ikipe yishyura amafaranga menshi ku bakinnyi rero turateganya ko bazahora ari beza ariko nanone ntabwo buri gihe byamera nkibi.”
Uyu mukinnyi w’imyaka 22 ukomoka muri Ecuador akina hagati mu kibuga yageze muri Chelsea muri 2023 avuye muri Brighton &Hove Albion atanzweho akayaho ka $147m nyuma yo gutera umugongo Liverpool ku munota wa nyuma.
Uyu mwaka w’imikino amaze gukinira Chelsea imikino itanu nta gitego aratsinda gusa amaze gutanga umupira umwe wavuyemo igitego .
UMWANDITSI: Rukundo Jean Claude
