Iyi shampiyona ifatwa nk’iya mbere mu gukomera bitewe n’uburyo habamo gutungurana cyangwa se uburyo kubona amanota bigorana ugasanga ikipe ya mbere itsinzwe n’ikipe iri mu zimanuka.
Uyu munsi ntitwaje kuvuga ku bukomere n’ubukaka bwa Premier League ahubwo twaje kugaruka ku bitego 5 byabonetse hakiri kare mu mateka ya Premier League.
Ibi bitego byatsinzwe hakiri kare cyane kuburyo bamwe mu bafana bari batarabona n’ibyicaro.
Urutonde rw’ibitego bitanu byihuse mu mateka ya Premier League:
5. Christian Eriksen [Atsinda Manchester United]
Igitego Christian Eriksen yatsinze Manchester United muri 2018. Ubwo Christian Eriksen yakiniraga ikipe ya Tottenham Hotspurs yatsinze Manchester United igitego ku isagonda rya 10 n’ibyijana 54 umukino utangiye.
4. Alan Shearer [Atsinda Manchester City muri 2003]
Alan Shearer ubwo yakiniraga ikipe ya Newcastle United yatsinze igitego Manchester City ku isagonda rya 10 n’ibyijana 52. Uyu Alan Shearer ni na we ufite agahigo ko gutsinda ibitego byinshi mu mateka ya Premier League [260]
3. Ledley King [Atsinda Brentford]
Ku mwanya wa gatatu haza igitego Ledley King yatsinze Bradford muri 2000. Ledley yatsinze igitego ku isagonda rya 9.82 ronyine.
2. Philip Billing [Atsinda Arsenal]
Ku mwanya wa kabiri haza igitego Philip Billing ukinira AFC Bournemouth yatsinze Arsenal. Ku itariki 04/03/2023 Philip Billing yatsinze igitego ku isagonda rya 9.11 .
1. Shane Long [Atsinda Watford]
Ku mwanya wa mbere haza igitego Shane Long yatsinze Watford. Ku itariki 24/04/2019, Shane Long wakiniraga Southampton yatsinze igitego ku isagonda rya 7. 69.
Shampiyona y’Icyiciro cya Mbere mu Bwongereza iragaruka kuri uyu wa Gatanu taliki 16 Kanama 2024 aho ikipe Manchester United izaba yakiriye Fulham FC mu mwaka w’imikino mushya wa 2024/25.
