Ikipe ya APR FC yatomboye kuzahura na Azam FC yo muri Tanzania mu ijonjora rya mbere ry’imikino ya CAF Champions League 2024-25.
Kuri uyu Wa Kane nibwo i Cairo mu gihugu cya Misiri ku kicaro gikuru cy’imouzamashyirahamwe y’umupira w’amaguru muri Afurika, CAF habereye tombora yuko amakipe yabaye aya mbere iwayo azahura mu mikino ya CAF Champions League.
Ikipe ya APR FC ihagarariye u Rwanda bitewe nuko ariyo yegukanye igikombe cya shampiyona cya 2023-24 ikaba yariri mu gakangara ka mbere yatomboye kuzahura na Azam FC yo muri Tanzania mu ijonjora ribanza.
Mu gihe ikipe y’Ingabo z’igihugu yaba isezereye igakomeza mu kiciro gikurikiyeho yazahura nizava hagati ya Pyramids yo mu Misiri na JKU SC yo muri Zanzibar.
Mu mwaka ushize ikipe ya APR FC yari yatomboye Gaadiidka FC mu ijonjora rya mbere ndetse iranayisezerera naho mu ijonjora rya Kabiri ihura na Pyramids yo mu Misiri birangira yo ibasezereye.
Biteganyijwe ko imikino ubanza y’ijonjora ryibanze ya CAF Champions League izakinwa hagati ya taliki ya 16 na 18 z’ukwezi kwa 8 uyu mwaka.
