Mu rukerera rwo kuri uyu Wa Gatatu nibwo ikipe y’igihugu ya Argentine iraba icakirana na Canada muri 1/2 cya Copa America ya 2024 iri kubera muri Leta zunze ubumwe z’Amerika.
Benshi barabona ko uyu mukino ushobora kwegukanwa na Argentine ya Kizigenza Lionel Messi ariko uwitwa Drake we yabiteye umugongo ajya muri ‘betting’ atega ko ikipe y’igihugu avukamo cya Canada ariyo igomba gutsinda.
Uyu muhanzi yateze ibihumbi 300 by’Amadorari ariko Canada iramutse itsinze nawe yatsindira miliyoni 2 n’ibihumbi 880 dore ko bikubiye 9.60.
Ntabwo ari ubwambere Drake ateze ariko ntabwo bikunze kumuhira kuko birangira ahombye. Ubuheruka yari yateze ko Tyson Fury aributsinde mu mu mukino w’iteramakofi yari yahuriyemo na Oleksandr Usyk ariko birangira bidakunze ahomba arenga ibihumbi 565 by’amadorari y’Amerika yari yateze.
Mu mupira w’amaguru ho yigeze kuribwa ku mukino wa nyuma w’igikombe cy’Isi cya 2022 aho yari yavuze ko Argentine iri butsinde u Bufaransa gusa iminota isanzwe y’umukino urangira amakipe yombi anganya.
